Behare Bojaxhiu Huçaj

Behare Bojaxhiu Huçaj është specialiste e Psikologjisë Klinike dhe psikoterapiste, me përvojë në shëndetin mendor, shërbimet psikosociale, vlerësimin psikologjik dhe psikologjinë forenzike. Aktualisht është e angazhuar në Qendrën e Shëndetit Mendor me Shtëpitë Integruese në Bashkësi në Prishtinë, ku ofron shërbime klinike, këshillim, psikoterapi individuale dhe grupore, si dhe ndërhyrje rehabilituese psikosociale.

Ka përfunduar studimet master në Psikologji të Përgjithshme dhe Psikologji Klinike e Këshilluese në Universitetin Shtetëror të Tetovës, si dhe shkollimin specialistik në Psikologji Klinike. Formimi i saj përfshin Psikoterapinë Pozitive dhe Transkulturore, Psikoterapinë Trupore dhe Analizën e Aplikuar të Sjelljes (ABA).

Përvoja e saj përfshin angazhime në institucione shëndetësore, organizata psikosociale dhe mentorim klinik të studentëve. Ajo është gjithashtu eksperte gjyqësore e certifikuar nga Këshilli Gjyqësor i Kosovës dhe autore e bashkautore e hulumtimeve shkencore në fushën e shëndetit mendor.

Përmes punës klinike, akademike dhe shkencore, synon të kontribuojë në avancimin e shërbimeve të shëndetit mendor, duke u mbështetur në evidencën shkencore, etikën profesionale dhe respektimin e dinjitetit njerëzor.